An bhfaca tú mo Shéamuisín?
Have you seen my Little Jimmy?
An bhfaca tú mo Shéamuisín?
Mo stóirín óg, mo bhuachaillín.
An bhfaca tú mo Shéamuisín?
Is é ‘gabháil síos an bóthar.
Níl bróg ar bith ar a dhá choisín.
Ar a dhá choisín, ar a dhá choisín.
Níl bróg ar bith ar a dhá choisín.
Níl caipín air ná clóca.
Ag dul ar scoil tá Séamuisín
Mo stóirín óg, mo bhuachaillín
Ag dul ar scoil tá Séamuisín
‘S a leabharín buí sa phóca.
Ar a dhroim tá máilín beag
Tá máilín beag, tá máilín beag
Ar a dhroim tá máilín beag
‘S a lóinsín ann is dócha.
Labhair an Teanga Ghaeilge
Speak the Irish Language
Ó labhair an teanga Ghaeilge liom,
A chuid mo chroí is a stór,
An teanga a labhair mo mháthair liom,
In Éirinn ghlas fadó.
Is í teanga bhinn ár sinsear í,
An chaint is milse glór,
Ó labhair an teanga Ghaeilge liom,
Is bain de mo chroí an brón.
Ó labhair an teanga Ghaeilge liom,
Is í teanga cheart na nGael,
An teanga bhinn is ársa atá
Le fáil ar fud an tsaoil.
A stór mo chroí is beannacht ort,
A chailín óig gan cháim,
Cá bhfuil sa tsaoil aon teanga mar
Ár dteanga féin le fáil?
